हाम्रो शत्रुलाई परास्त कसरी गर्ने?

डर मानिसको सबैभन्दा ठूलो शत्रु हो। तर डर नभएको मानिस हुँदैन। हरेक व्यक्तिमा कुनै न कुनै कुराको डर हुन्छ। प्रकट हुनु नहुनु फरक कुरा हो।

मानिसहरुको सामू बोल्नुपर्दा लाग्ने डर धेरैमा हुने डरमध्येको एउटा हो। त्यसैले त कतिपय अध्येताहरु डरलाई संसारकै सबैभन्दा धेरै मानिसमा हुने डरको रुपमा व्याख्या गर्दछन्। कतिपयले यसलाई मृत्युदेखिको डरभन्दा पनि ठूलो डर भन्दछन्। यहि डरका कारण धेरै मानिसले आफुले अपेक्षा गरेको प्रगति हासिल गर्न सकिरहेका हुँदैनन्। डर सामान्य र स्वभाविक कुरा हो तर यसको परिणाम असामान्य र अस्वभाविक हुन सक्दछ। त्यसैले प्रगतिका लागि वा सफलताका लागि डरलाई नियन्त्रण गर्नु आवश्यक हुन्छ।

‘मास’को अगाडि बोल्नुपर्दा लाग्ने डर नियन्त्रण गर्न सकिने कुरा हो। निरन्तरको अभ्यासले डरलाई नियन्त्रण गर्न सकिन्छ। तरिका मिलाएर अभ्यास गर्ने हो भने यो डर नियन्त्रण गर्न धेरै समय पनि लाग्दैन।

पब्लिक स्पीकिङ् (भाषण कला) बारे तालिम दिन जुनसुकै खालको समूहमा पुग्दा पनि अधिकांसले सोध्ने प्रश्न नै डरसँग सम्बन्धित हुन्छ।

यसभन्दा अघि मैले भाषणको सुरुवात कसरी गर्दा प्रभावकारी हुन्छ भन्नेबारे केहि भिडियो तयार पारेर देखाएको थिएँ। त्यसपछि मैले केहि भिडियो यहि डर कसरी नियन्त्रण गर्न सकिन्छ भन्नेबारेमा तयार पारेको छु।  Continue reading

Advertisements

अलिकति फरक कुरा

ब्लगमा निकैपछि पसें। अघिपछि कथा कविता, तिनकै अडियो वा भिडियो रेकर्डिङहरु हाल्ने गर्थे‌ं। त्यहि नहालेको नि निकै भएछ। आज अलिकति फरक कुरा यता पोस्ट गर्दैछु।

लामो समयसम्म भाषण कला (Public Speaking) बारे तालिमहरु संचालन गरेपछि अनलाइनमा सम्पर्कमा रहेका थुप्रै साथीहरुले मलाई कुनै न कुनै तरिकाले हामीलाई पनि तालिम चाहियो भन्ने खालका कुराहरु राख्ने गर्नुहुन्छ। सम्भव भएसम्म र फुर्सद भएसम्म धेरैभन्दा धेरैलाई आफुले अलिअलि भएपनि जानेको कुरा सिकाउन पाए म पनि खुशी नै हुन्छु र त्यसो गरी पनि रहेकै छु। तर कति साथीकोमा विभिन्न कारणले पुग्न सकिंदैन। त्यसो भए ति साथीहरुलाई मैले कसरी सहयोग गर्न सक्छु त भन्ने सोच्दै गर्दा आइडिया फुर्‍यो.. युट्युबमा भिडियो पोस्ट गर्ने। गजब। ठिक छ, त्यसै गरौं… आफ्नै सिप पनि निख्खारिने, अरुलाई पनि सिकाउन पाइने भनेर केहि भिडियो बनाउन थालें।

सुरुवातमा “भाषण कसरी सुरु गर्ने?” भन्ने शिर्षकमा दुइवटा भिडियो तयार पारें। एउटा चाहिं धनकुटामा विद्यार्थीहरुलाई तालिम दिंदै गर्दाको सानो अंश राखेर र अर्को आफैंले शुट गरेर। ति दुई भिडियो युट्युबमा हेरेर धेरै साथीले मलाई प्रोत्साहन गर्नुभएको छ। उहाँहरु सबैलाई धन्यवाद भन्दै तिनै भिडियो ब्लगमा पनि शेयर गरौं भनेर यता हालेको छु। लौ, मनपरे अरुलाई, नपरे मलाई भन्नुहोला।

केहि कविता (भिडियो)

यी कविताहरुको वाचन एउटा अनलाइनका लागि रेकर्ड गरिएका हुन्।

त्यता हेर्न नपाउनेहरुका लागि ब्लगमा पनि हालेको हुँ। चित्त नबुझे भन्नुहोला है। 🙂

‘छोरा, घर त गयो!’ अडियोसहित

अडियो यसमा:
एउटा सनकी भुईंचालोले
बेस्मारी हल्लाएपछि
बल्ल आँगनमा झर्नु भो बा ।
आँगनमा झरिसक्दा
बा’को सातो पनि झर्यो
झाँको पनि झर्यो
अनि झरे घरका भित्ताहरु,
झ्याल ढोकाका खापा-चौकोसहरु
खाँबा र दलिनहरु
झिंगटीको छानो र टुँडालहरु !
गर्ल्यामगुर्लुम्मऽऽऽ घर ढल्दा
एक भकारी धानसँगै
एक पाथी मकैको बीउ पुरियो
पुरिए एक थान खुशी
र आमाको सन्दुकभित्र निस्सासिएको
सपनाको एक गाँठो बीउ ।

Continue reading

अनुहारमा रंग पोतेर जिवनको रंग फेरिएला ?

 

यसपालिको फागु पर्व पनि सकियो।

अरु ठाउँजस्तै राजधानी उपत्यका पनि रङ्गमा डुब्यो। एकअर्कालाई रङ्ग दल्दै, नाच्दै गाउँदै, डुल्दै रङ्गका पारखीहरुले होली मनाए। यहि मेसोमा केहि अनुहारहरु क्यामरामा कैद गरियो। ब्लगमा कविता र अरु गन्थन पोस्ट नगरेको जुगभन्दा अलिकति कम भइसकेको बेला तिनै रंगिन अनुहारहरु टाँस्दैछु।

मनपरे कमेन्टमा लेख्नुहोस्। 🙂

face paint 1 Continue reading

तिर्खा

???

म घण्टौंदेखि

यो पानीमा तैरिरहेको छु

र पनि खूब प्यास लागेको छ!

  Continue reading

विदा

Great-Landscape-Wallpapers-71

एकदिन हिंड्नेछु म

एउटा लामो विदामा ।

त्यो बेला

निद्रा मार्नुपर्ने काम हुने छैन

चाकडी माग्ने धाम हुने छैन

सम्झेर झस्किनुपर्ने नाम हुने छैन

न हुनेछ कुनै रगत पसिना चुस्ने घाम नै!

आउनेछ त्यो एकदिन

अनि हिडौंला जिन्दगीको जागिरबाट

एउटा लाऽऽऽऽमो बे’म’तलबी विदामा!

***

Roopess