टापुमा सीतादेवी (अडियोसहित)

राक्षसी ‘रावण्य’ बाढीले उमारेको

एक्लो हिले टापुमा

निस्सार उभिएकी छे सीतादेवी । Continue reading

दुष्यन्त कुमारका दुई कविता नेपालीमा

दुष्यन्त कुमार भारतीय साहित्यमा एउटा प्रसिध्द नाम हो। उनका जोडदार कविता र गजलहरुका कारण उनी भारत र भारतीय  साहित्यका पाठकहरुमाझ परिचित छन्। उनका कविता र गजलहरुको पारखी म पनि हुँ। उनका रचनाहरु हिन्दीमै पढ्दा वा सुन्दाको मजा त अरु भाषामा के होला र? तर पनि नेपालीमा कस्तो सुनिन्छ त भनेर उनका दुई छोटा कविताहरु अनुवाद गरी हेरें। ठिकै लाग्यो र यता तपाईंको लागि पनि राखें है त।

धर्म

तेजसँग एउटा पीडा

मनमा जाग्यो

मैले त्यसलाई पिइदिएँ,

एउटा सानो खुशी

ओंठसम्म आइपुग्यो

मैले त्यसलाई फैलाइदिएँ,

मलाई खूब सन्तोष भयो

र लाग्यो

हरेक सानोलाई

ठूलो बनाउनु नै धर्म हो।

*******

यस्तो किन ?

हरेक फुलेका नशाको मालिसको अभ्यास

रोकिंदै रोकिंदै हिंड्ने अभ्यास

शितलमा अल्झिने बानी

यस्तो किन ?

जतिसुकै बेला मनमा एउटा जलन

उल्टो उल्टो चाल-चलन

शिरदेखि पाउसम्म क्षतविक्षत

यस्तो किन ?

जीवनको दर्शनमा दिन-रात

पण्डिन विद्वानहरुको जस्तो कुरा

तर मुर्खको जस्तो व्यहोरा

यस्तो किन ?

यस्तो एउटा समय थियो

कविता

एउटा यस्तो समय थियो

एउटा धारिलो कविताको प्रहारले

मरणासन्न भएको क्रुर शासकले

आफ्नो सारा सेनाबेना लगायो

र पक्रिएर कविलाई कोच्यो झ्यालखानामा।

कस्को सुराक थियो कवि?

कस्को भरौटे थियो कवि?

छानविन भयो, खोजीविन भयो

महिनौ कविकै भयो सोधपुछ

कुटिरहन्थे प्युसाहरु

डामिरहन्थे प्युसाहरु

तर शक्तिले क्षीण हुन्जेल

कवि चुपचाप रातभरि गम्थ्यो

कवि चुपचाप दिनभरि गम्थ्यो

र भित्ताभरि सकसमा लेख्थ्यो

रगतले त्यहि एउटा धारिलो कविता।

Continue reading

भिमे – ३

पूर्वाख्यान:

तपाईंले निकैअघि भिमेको कथा पढ्नुभएको छैन भने यहाँ सुनाउन खोजिएको कथा पूरा नलाग्न सक्छ। तर यो आफैंमा छुट्टै कथाको रुपमा बुझ्नुभयो भने पनि म केहि भन्दिनँ। आखिर हामी टुक्रा-टुक्रामै रमाउन पनि सक्छौं। जिन्दगीमा यस्ता टुक्रे कथाहरु हामीले धेरै सुनेका छौं र त्यसैमा हामी खुशी पनि भएका छौं।

तर फुर्सद भएसम्म  भिमे – १ र भिमे – २ पढ्नुभयो भने यो कथा पढ्नुको अौचित्य साध्य हुन्थ्यो र यो खासमा झुरै भए पनि त्यति झुर कथा लाग्ने छैन।

त त्योबेला जसरी भिमे गायब भयो त्यो भिमेसँगै पढ्दै गरेका हाम्रा लागि चिन्ताको विषय त थिएन तर अचम्म लागेको विषय त पक्कै थियो। निकैपछि मैले भिमे गायब हुनुको कारण त पत्ता लगाएँ तर त्यसमा अझै म विश्वस्त चाहिं हुन सकिनँ।

त्योबेलाको घटना एक लाइनमा तपाईंलाई बताउनुपर्दा भएको चाहिं के थियो भने भिमेले उसको बाउ इनार खन्न गएको घरमा घरबेटी चक्रलाल र उसकी अर्धाङ्गिनीलाई साबेलले बजाएर भिमे भागेको थियो र त्यसपछि भिमे कहिल्यै फर्केन।

अब आउनुस् भिमेले किन साबेलले बजायो चक्रलाललाई? त्यसबारे चर्चा गरौं।

भिमेले चक्रलाल र उसकी स्वास्नीलाई मात्र साबेलले हिर्काएको होइन, भिमेकै बाउ निमबहादुरलाई पनि साबेलले बजाइएको थियो तर निमबहादुरलाई भिमेले नै हिर्काएको हो कि होइन भन्ने चाहिं खुल्न निकै कठिन पर्‍यो।bhime bepatta

Continue reading

हाम्रो शत्रुलाई परास्त कसरी गर्ने?

डर मानिसको सबैभन्दा ठूलो शत्रु हो। तर डर नभएको मानिस हुँदैन। हरेक व्यक्तिमा कुनै न कुनै कुराको डर हुन्छ। प्रकट हुनु नहुनु फरक कुरा हो।

मानिसहरुको सामू बोल्नुपर्दा लाग्ने डर धेरैमा हुने डरमध्येको एउटा हो। त्यसैले त कतिपय अध्येताहरु डरलाई संसारकै सबैभन्दा धेरै मानिसमा हुने डरको रुपमा व्याख्या गर्दछन्। कतिपयले यसलाई मृत्युदेखिको डरभन्दा पनि ठूलो डर भन्दछन्। यहि डरका कारण धेरै मानिसले आफुले अपेक्षा गरेको प्रगति हासिल गर्न सकिरहेका हुँदैनन्। डर सामान्य र स्वभाविक कुरा हो तर यसको परिणाम असामान्य र अस्वभाविक हुन सक्दछ। त्यसैले प्रगतिका लागि वा सफलताका लागि डरलाई नियन्त्रण गर्नु आवश्यक हुन्छ।

‘मास’को अगाडि बोल्नुपर्दा लाग्ने डर नियन्त्रण गर्न सकिने कुरा हो। निरन्तरको अभ्यासले डरलाई नियन्त्रण गर्न सकिन्छ। तरिका मिलाएर अभ्यास गर्ने हो भने यो डर नियन्त्रण गर्न धेरै समय पनि लाग्दैन।

पब्लिक स्पीकिङ् (भाषण कला) बारे तालिम दिन जुनसुकै खालको समूहमा पुग्दा पनि अधिकांसले सोध्ने प्रश्न नै डरसँग सम्बन्धित हुन्छ।

यसभन्दा अघि मैले भाषणको सुरुवात कसरी गर्दा प्रभावकारी हुन्छ भन्नेबारे केहि भिडियो तयार पारेर देखाएको थिएँ। त्यसपछि मैले केहि भिडियो यहि डर कसरी नियन्त्रण गर्न सकिन्छ भन्नेबारेमा तयार पारेको छु।  Continue reading

अलिकति फरक कुरा

ब्लगमा निकैपछि पसें। अघिपछि कथा कविता, तिनकै अडियो वा भिडियो रेकर्डिङहरु हाल्ने गर्थे‌ं। त्यहि नहालेको नि निकै भएछ। आज अलिकति फरक कुरा यता पोस्ट गर्दैछु।

लामो समयसम्म भाषण कला (Public Speaking) बारे तालिमहरु संचालन गरेपछि अनलाइनमा सम्पर्कमा रहेका थुप्रै साथीहरुले मलाई कुनै न कुनै तरिकाले हामीलाई पनि तालिम चाहियो भन्ने खालका कुराहरु राख्ने गर्नुहुन्छ। सम्भव भएसम्म र फुर्सद भएसम्म धेरैभन्दा धेरैलाई आफुले अलिअलि भएपनि जानेको कुरा सिकाउन पाए म पनि खुशी नै हुन्छु र त्यसो गरी पनि रहेकै छु। तर कति साथीकोमा विभिन्न कारणले पुग्न सकिंदैन। त्यसो भए ति साथीहरुलाई मैले कसरी सहयोग गर्न सक्छु त भन्ने सोच्दै गर्दा आइडिया फुर्‍यो.. युट्युबमा भिडियो पोस्ट गर्ने। गजब। ठिक छ, त्यसै गरौं… आफ्नै सिप पनि निख्खारिने, अरुलाई पनि सिकाउन पाइने भनेर केहि भिडियो बनाउन थालें।

सुरुवातमा “भाषण कसरी सुरु गर्ने?” भन्ने शिर्षकमा दुइवटा भिडियो तयार पारें। एउटा चाहिं धनकुटामा विद्यार्थीहरुलाई तालिम दिंदै गर्दाको सानो अंश राखेर र अर्को आफैंले शुट गरेर। ति दुई भिडियो युट्युबमा हेरेर धेरै साथीले मलाई प्रोत्साहन गर्नुभएको छ। उहाँहरु सबैलाई धन्यवाद भन्दै तिनै भिडियो ब्लगमा पनि शेयर गरौं भनेर यता हालेको छु। लौ, मनपरे अरुलाई, नपरे मलाई भन्नुहोला।

तिर्खा

???

म घण्टौंदेखि

यो पानीमा तैरिरहेको छु

र पनि खूब प्यास लागेको छ!

  Continue reading