मोदीको भाषण प्रभावकारी हुनुको रहस्य

सार्वजनिक मञ्चहरूमा अमेरिकी राष्ट्रपति डोनाल्ड ट्रम्पले दिने भाषणहरूको सकारात्मक होस् वा नकारात्मक चर्चा भने सधैँ हुने गर्छ । भाषणमा उनले उठाउने विषयको त चर्चा हुने भई नै हाल्यो त्यसबाहेक उनले प्रयोग गर्ने शब्द र शब्दावलीका साथै उनको भावभङ्गिमाको पनि चर्चा हुने गर्छ। यसका विभिन्न कारणमध्ये एउटा हो– ट्रम्पले गर्ने अभ्यास । महत्त्वपूर्ण भाषण गर्नुअघि ट्रम्पले समेत अभ्यास गर्छन् भन्ने सुन्दा हामीलाई अचम्म लाग्न सक्छ । तर, विश्वका प्रभावशाली मानिने प्रायः सबै नेताले आफ्नो भाषणमा निकै मेहनत गर्छन् । राष्ट्रपतिका रूपमा अमेरिकी कंग्रेससामु भाषण दिनुअघि ट्रम्पले आफ्नो कारमा बसेर भाषणको अभ्यास गरेको संचारमाध्यमको क्यामरामा कैद भएको दृश्य त्यतिबेला सार्वजनिक पनि भएको थियो ।

डोनाल्ड ट्रम्प कारमा भाषणको अभ्यास गर्दै गरेको दृश्य संचारमाध्यमको क्यामरामा।

ट्रम्पका पूर्ववर्ति राष्ट्रपति बाराक ओबामाको भाषण कलाको तारिफ नगर्ने त कोही नहोलान् । ओबामा निकटहरूका अनुसार ओबामाले आफूले गर्ने अधिकांश भाषण आफैँ लेख्ने गर्थे र अभ्यास पनि गर्थे । सन् २००४ मा डेमोक्रेटिक नेसनल कन्भेन्सनमा ओबामाले गरेको भाषणलाई धेरैले उनलाई राष्ट्रपति बनाउने भाषण भन्छन् ।

कैयौं अमेरिकीमा आशा र भरोसाको संचार गर्न सफल त्यो भाषणको तयारीमा ओबामाले महिनौं लगाएको जानकारहरु बताउँछन् । भाषणकै तयारीका लागि उनले आफ्ना अरू काम छोडेर कैयौं रात होटलमा बिताएकी जे न्युटन स्मलले ‘टाइम’ पत्रिकामा उल्लेख गरेकी छन् । Continue reading

Advertisements

विन्टरचोक, हिउँद र समयको तापक्रम

विन्टरचोकको राजधानी चोकको अलिक भित्रपट्टिको महानगरीय चोकको ‘क्याफे’ नाम दिइएको हरियो पर्दावाला रक्सीको वर्कशपमा बिहानै २ ट्वाक लगाएको एउटा आदिम मान्छेले आफुले किन चुनावमा भोट नहालेको भन्नेबारे प्रष्टिकरण प्रस्तुत गर्दैछ । वर्कशपकी प्रोप्राइटर भलाद्मी महिलाले बुझेको के मात्रै भने, ति ढलपल गर्दै गरेका भद्र पुरुष नागरिकताविहिन नागरिक हुन्। बाउले सही नगर्दिएर नागरिकता नपाएका रहेछन् भन्ने कुरा बुझ्न प्रोप्राइटरज्युको न चेतनाले भ्यायो, न फुर्सदले।

वर्कशपको ठ्याक्कै बाहिर थ्याच्च बसिरहेकी अनुहार नपरेकी अधबैंसे महिला ‘क्रान्ति’मा हराएको छोरा खोज्न विन्टरचोकमा आएकी हुन्। उनको निधार र गालामा देखिएका रेखाहरुले नै भन्छन् कि विन्टरचोकमा झरेको निकै साल भइसक्यो र अब छोरालाई होइन, उनले अब आफैंलाई भेट्ने छैनन्।

अब त्यहाँबाट थोरै बाहिर निस्किउँ। गल्छेडोबाट निस्केर दायाँपट्टि मध्यमवर्गीयहरुको जुत्ता टल्काउँदै जुत्ता धनीलाई उच्चवर्गीय बनाइरहेको ‘कफी वर्ण’को किशोरलाई उच्चवर्गीय बनिसकेपछि जुत्ता धनी ज्यालामा किचकिच गरिरहेको छ । यो र यस्ता केही लाख चित्रको बयान गरेर हजार शाखा भएका गैरसरकारी संस्थाका प्रमुखले त गर्न सक्दैनन् म के सकूँला?

तर यसका बाबजुद पनि विन्टरचोक गुल्जार छ।

हो, विन्टरचोक बडा गुल्जार छ। गुल्जार के अर्थमा भने विन्टरचोकमा अचेल गर्मी छ। यो हिउँदमा कसरी गर्मी? Continue reading

केहि कविता (भिडियो)

यी कविताहरुको वाचन एउटा अनलाइनका लागि रेकर्ड गरिएका हुन्।

त्यता हेर्न नपाउनेहरुका लागि ब्लगमा पनि हालेको हुँ। चित्त नबुझे भन्नुहोला है। 🙂

‘छोरा, घर त गयो!’ अडियोसहित

अडियो यसमा:
एउटा सनकी भुईंचालोले
बेस्मारी हल्लाएपछि
बल्ल आँगनमा झर्नु भो बा ।
आँगनमा झरिसक्दा
बा’को सातो पनि झर्यो
झाँको पनि झर्यो
अनि झरे घरका भित्ताहरु,
झ्याल ढोकाका खापा-चौकोसहरु
खाँबा र दलिनहरु
झिंगटीको छानो र टुँडालहरु !
गर्ल्यामगुर्लुम्मऽऽऽ घर ढल्दा
एक भकारी धानसँगै
एक पाथी मकैको बीउ पुरियो
पुरिए एक थान खुशी
र आमाको सन्दुकभित्र निस्सासिएको
सपनाको एक गाँठो बीउ ।

Continue reading

दोष

 rubbish_bags_33

गगनभेदी भवनको तेह्रौं तल्लाको झ्यालबाट

शहरले

काऽऽलो झोला फुत्त फाल्यो

८ लेनको सडकमा !

 

झोलाभित्र भातको डल्ला थियो

भवनभरिको फोहर थियो

च्यातिएर धुजा धुजा पारिएका

कसैका पुराना प्रेमपत्रहरु थिए

महिनौंदेखिका प्रयोग गरिका कण्डमहरु थिए

वा थिए त्यो झोलाभित्र

कसैको भेदन गरिएको टाउको

बारुदहरु, बमहरु, गोली गट्ठाहरु

वा यस्तै यस्तै केहि!

 

३ नम्बरको भकुण्डोजत्रो झोला

यस्तरी बज्रिन्छ सडकमा

सडकको कालोपत्रे डेढ इन्ची भाँस्सिन्छ !

 

भन्नुहोस् हजुर

सडक भाँस्सिनुमा दोष कस्को ?

 

नोट: यसलाई कविता भनेर नबुझियोस्। यो जिज्ञासा हो।

केहि छोटा कविता

बजार
जसको आवाज सुनिइन्छ
उनीहरु पट्टी लाएर 
चुप बसेका छन् ।

 

निवेदन 
आदरणीय सरकार !

(शिवरात्रिको दिन)

मलाई अलिकति भाङ् दिनुस्
कमसेकम 
एकदिन 
म नशामा चुर हुन पाउँ 
र भुल्न पाउँ
मेरो नागरिकता!

 

र विना शिर्षकको यो पनि

जसोतसो त बाँचेकै छ मान्छे
करकारले क्रान्ति नहुँदो रै’छ !
सामन्तीको दरबार हडपेर
निमुखाकाे घरबार जाती नहुँदो रै’छ !!

जीन्दगी ‘सेल’मा

Image

लाग्दैछ
धीत मरुन्जेल बाँचेर
बाँच्दाबाँच्दै दिक्क लागोस् 
सर्फ एक्सेलले मिचिमिचि-धुईपखाली
चट्ट इस्त्री लाउँला 
“सेल-मा जीन्दगी” को तुल टाँगेर
पसल थापुँला 
अनि बेचूँला ‘सेल’मा जीन्दगी ! 

हुन पनि 
ठूलठूला सपनाको प्राइस ट्यागअंकित 
ब्रान्डेड जीन्दगी त 
कहाँ बिक्छन् र अचेल!